dilluns, de setembre 11, 2006

Que hi ha algú?


Costa chirar la cllau, tanto tiempo sin entrar-ie, la zerralla s'ha robellau una mica. Enchego la luz atra bez, ubro as finestras ta que se'n baiga esta pudor a ranzio, un ratet quitán as talarañas d'os cantons ta que no faigan fiero, firme escobada y au, torno a tenir lo garito presto ta rezibir combidaus.
Son cosas que pasan, tiens l'ordenador cascau, pllen de broza, el llebas a formatear y a metá operazión te dizen el que ya pensabas, que ixa quincalla no bale que ta abentar-la balcón t'abaix. Asinas que tot l'estiu desconectau, perque ye millor ixo que no ir ta la biblioteca, an que ñai dos ordenadors ta toz os d'o llugar a 0'50 € lo cuarto d'ora. Diz que sén capital...me'n jodo!
As bacazions ben, ixo rai!. Conziertez, fiestetas, placheta, piszineta, escursions, estudiar... Sallent de Galligo mui pincho, nunca no i eba estau y ñai mui buen ambién. Lo Bearn ben majo tamé, uns llugarons mui pulius, te foten 5 euros si quiers comprar un mapa ta no perder-te-ie y os beziclistas "puyan" o portalet sin pedaliar. Janobas como siempre, jodiu, anque pllen de franzeses, ixo si. Fa goi sentir como rabentan as pedras n'o fundo d'ixa faraonica cubeta de fornigón, simbolo d'a bergüeña.
As fiestas d'Estadilla las millors d'o mundo anque as de Zanui tampó no se'n quedan curtas. Salou contina igual, la mesma chen de tota la bida y nueis de zorrera en o Kalea, lo puesto an que ñai la conzentrazión de pendiéns d'aro per metro cuadrau mes gran de tot l'Estau.
Bueno, tampó no tos quiero aburrir, me'n boi a fer un desamen y mañana torno ta casa mia, que ya ye la bispra d'a bispra d'as fiestas y ixo no me'l puedo perder!!!
Continarén la fayena...en pasar fiestas. Agur chen.
PS: Paraz cuenta os monzoneros (u montisonenses) que estoi fén practicas y cremo l'asfalto :-D
Ascuitán: Kosas de Viejas, Manolo Kabezabolo

2 Comments:

Anonymous ranciolí said...

Ben tornat!

14/9/06 10:25 p. m.  
Blogger charrabís said...

Ya eba ora de tornar a beyer-te per aiquí, nino. Espero que el faigas més a sobén, que tot el beranet sin escribir... ya te'n abrás descansau ben, no?

Bienga, un saludo!

18/9/06 9:08 p. m.  

Publica un comentari a l'entrada

<< Home