dimarts, de juny 27, 2006

Un cuentet ta zagals


Y sentaus en a pedra, a l'ubago, o pastor le ba contar al ninón:
Sabes zagal? No'n fa guaire, as crabetas d'as Corz d'Aragón han aprebau lo "nuestro" Estatuto. Dengúna no ha teniu o que s'ha de tenir ta dir que NO, que ixo no ye o que queriban, asinas que a la fin han acabau totas ben chuntetas, no sía que dispués a belúna no la quieran achuntar en o "chun-tachún" que bailan as atras. Y dispués de tanta crabra y crabrito chunto esbelegán a plazer, ya nomes faltaba per charrar o buquizo, ixe que de tanto tozar y de tantos frontinazos s'ha quedau amodorrau y no fa que orchegar cada maitino. Y os aragoneses? Pos que quiers que digan, si son toz un ramau de güellas mansas, ixo si, de Raza Castellana, que de Rasa Aragonesa cada dia en quedan menos, perque per mucho que cuatre martas furas s'enzerrinen en defender o corral, as crabas antis ditas, las han dixau capadas y con a luenga tallada. Ya puez contar, ninón, abrén de fer gaitas ta toz, perque sino ya me dirás que farén con tantisma craba malzenada, que ni ta chiretas balen.
.
Pos ixo, que ya s'han rematau os desamens, que me'n boi de bacazions y que como no se escribir ni charrar en "modalidades lingüísticas", el continaré fén en ARAGONÉS Y CATALÁN, anque me parix que istas luengas se ban a fartar de beyer crabas, crabas royas.

4 Comments:

Anonymous Charrabís said...

Ai, nino, pos encara que mo'n ín toz de bacazions (que per aiquí no podrén estar de tanta calor que mos fa estos días), espero veyer-te escribín en el blog los días que tiengas tiempo de fer-lo.

Y si el fas en "modalidades", millor. Que ixo sí que está (y ben cllaret, eh!) en el estatuto. Pero como el faigas en "aragonés", encara que seiga un troz, pillarán el tocho las cuatro martas ixas que dizes y t'encorrerán per toz los llugars pa que ables ben.

Bienga, escribe més aora que estás sin treballos ni estudios, que fa gozo de sentir-se (leyer-te) charrar tan ben per aiquí! Més encara aora que Guineu tamé mos ha dixau d'escribí y ya no tenén més blogs en ribagorzano...

Per zierto, qué tal los examens? Tot ben? ;)

Un saludo, Fogaire!

3/7/06 1:35 a. m.  
Blogger Fogaire said...

Ya me figuro que be de fer calor en toz os puestos, perque aiqui tamé en fa una animalada, no puez ni sallir t'a carrera.
Los examens...eh...me parix que pasaré un beranico aqueferau :-D A más a más os carnuzes d'o carnet de conduzir fan huelga y no ñai que un examen lo dia 25 en to'l berano, asinas que au! no foi que leyer os librez ixes con o culo preto, no adubo nino.
Si ya'l diba o Murfy ixe, "si bella cosa puede sallir mal, de ben seguro que saldrá mal".

Per ixo no sé si escribiré guaire en o blog, anque bels mensachez si que abrén de posar-ie, pa no perder-ne la costumbre :-P

Ya beigo que tamé le dás a la "modalidad lingüistica todavía hablada en algunos valles y pueblos de la comarca de la Ribagorza". Ben pincho, si siñor.

Pllanta fuerte, nino.

3/7/06 11:54 a. m.  
Anonymous Charrabís said...

Ye que nino, ixo de fer lo carnet de conduzir de berano... Yo lo ba fer tamé de berano y només ba fer la teoría, perque la practica, como agosto las autoescuelas fan bacazions tamé, no ba poder fer practicas asta setiembre.

Perqué fan huelga?

La calor... mortal. Per Campo y per astí feba millor temperatura, pero aiquí aora en Zaragoza... uf!

Toz tenín que fer cosas pa setiempre, no te'n faigas. Animo.

En o blog has de continar escribín, que lo tuyo aragonés ye mui majo y ben rico, y amés charras de cosas ben interesantes. Y de paso aprendo a charrar-lo ben!

Aora que están fen lo estudio este, cal mirar de charrar ben, que si no, con o tocho en a cabeza mo'n tornarén ta Zaragoza. Pero me costa mucho d'ablar asinas, no sé, he de practicar-lo més.

Pllanta fuerte tú tamé.

4/7/06 2:06 a. m.  
Anonymous Mara said...

Fogaire, ya va siendo hora de postear un poco, ¿no?. Bakuti y tú nos teneis abandonad@s.
Ya sé que es verano, que hace calor y que estás de vacances pero os echo de menos...

21/7/06 12:24 p. m.  

Publica un comentari a l'entrada

<< Home