dilluns, de maig 22, 2006

Nos engañan así.

La primabera fa días que ba tornar, rondadora, mas que rondadora! y ba trayer d'a maneta os tordos que fan niedo en os barzeros; os charros que esgarrapan os praus buscán llombrigos; as golondrinas que no s'ixuplidan d'o suyo capazet de bardo penchau baixo el tellau; o picapuerco que puncha llangostos y engardaixinas en as garraberas; as pinzanas que tornan d'Africa pa trobar-se con os suyos pobrichons pinzans que ban pasar l'ibierno en os nuestros bosques; os patos, os gansos, os flamencos y as garzas que rechiran l'aigua en Sariñena.... y la gripe abiar? Pues parix que ixa no ha beniu enguán.
El que iba a estar una pandemia mundial que ese puesto causar millons de muertos, s'ha quedau en caldo, no de gallina, sino de borrañas. Primeramén mos ban espantar dezín que los pobres muixons mos podían trasmitir una malotía que si mutaba con a gripe umana causaría puyals de muertos en tot el mundo, se charraba d'a gripe de 1818 y os 50 millos de muertos que ba causar y per totas as telebisions salliban profetas de l'apocalipsis muixonero. A la fin, poquet mes de 100 muertos en o mundo dende fa ya unos cuantos años. Ixa ye una zifra ridicla que cualsiquier atra malotía animal puede causar en menos tiempo. El que ba comenzar como una gripe que podeban sufrir totas las aus, paix que ya ha siu reduzida només a aus de corral y acuaticas, una cosa que ya se sabeba dende fa muchismo tiempo, perque la gripe abiar no ye cosa nueba, fa sieglos que existe igual como existe la gripe umana, siempre ba a ñ'aber gripe abiar y ye una cosa imposible d'acotolar. Per qué tantisma alarma y tantisma psicosis?? Dezaga tot esto yo només beigo dos cosas, u se queriba acabar con o mercau asiatico de pollo u las farmaceuticas andaban curtas de perricas.
A yo me gustaría ser lo dueño d'o Tamiflú ixe, un potingue que pa poca cosa serbiba pero que han comprau 30 millons de presonas, creigo que a unos 50 u 60 euros. Si ya el diba Eskorbuto: "oh si si, os engañan asi"

1 Comments:

Anonymous Anònim said...

¡¡¡¿¿¿¿¿ TAMIFLÚ ?????!!!!

ooohggggg mare de deu! yo ni sabía ke existíe!! kin mal rollooooooooo

arribe a vindre la puta epidemia mundial y yo asti a la parra sense tamiflú ni osties, tots salvats menos yo!!!!



mare de deu... la gent e estúpida, s agarre a kualkier gilipoyada

22/5/06 6:37 p. m.  

Publica un comentari a l'entrada

<< Home