dilluns, d’abril 03, 2006

Zgz antifa!


Zaragoza s'esbulliga contra o faixismo. Esta semana las agresions neonazis en Zaragoza han siu espezialmén duras. Per un costau, en l'Actur, un choben informatico ba sufrir un brutal batán que le ba destrozar la cabeza, y per atro, en Torrero, dos omes de Ghana ban ser agredius con tochos y menazaus con cuchillos y un atro choben portugués tame ba tenir que ser internau en l'ospital dispues de ser salbachemén apalizau. Os responsables, tras ser detenius, ban ser posaus en libertat.
O delegau d'o Gubierno d'o PSOE ba dir que "no son grupos nazis, sino actos aislados de grupos de amigos que no tienen ninguna relación entre ellos", como siempre, negan la existenzia de faixismo, cosa que fa que puedan actuar con total impunidat. Cuan tornaba ayer ta Madrid en bus, leigo en o Periodico d'Aragon una notizia istorica, la chen de Zaragoza salle t'a carrera contra las zagueras agresions neonazis en una manifestazion que ba chuntar a 5000 personas! baixo un lema ben esclatero "NI NAZIS NI RACISMO, NO SON TRIBUS URBANAS SON FASCISTAS". Ya ñai prou de charrar de peleyas entre chobens u de conflictos entre tribus urbanas, esto no ye nada d'ixo, esto ye terrorismo faixista puro y duro. Per ixo esta notizia ye tan importán, a chen per fin ha parau cuenta que mos puede tocar a toz, que no cal ser asi u asá ta sufrir una agresion. Y asinas abrían de ser totas as manis antifas, a rebutir de chen, de tota mena de chen, chobens, grans, biellos, omes, mullers, ninons, politicos...toz chuntos contra o faixismo demandán que remate ya la impunidat y que se'ls enrista y se'ls combata como asesinos organizaus que son y no como chobens que se dibierten cascán a la chen.