divendres, de febrer 03, 2006

Me cago en l'opio d'o pueblo


Mundo de barrenaus, este que mos ha tocau bibir.
Resulta que fa poquez dias metá mundo s'esmeligaba con un dibuixo umoristico (mui dolén) que ba sallir en a prensa danesa. L'atra metá, pues paix que no ban entender lo chiste, y claro, se ban carrañar perque tamé se'n queriban redir.
Os daneses no ban querir explica-les-ne y la chen que no l'eba entendiu se ba meter mes fura encara. "Pues si no mos explicaz an ye la grazia tos cremarén as embaixadas, tos secuestrarén, tos ametrallarén, tos tallarén o cuello, tos...", en fin, que ban pillar una carrañada ben gran. Y encara no se les ha pasau.
Pero s'han tornau toz llocos u que? Bai no me jodas.

Au, ya tos conto yo un atro chiste, a bier si se tos pasa la enrabiada, perque si bel dia los nuestros nietos estudean que la 3ª Guerra Mundial ba comenzar per una caricatura, s'escollonarán asabelo:

-Diz que ban toz os dioses en un abión. L'abión s'estoza, se rabenta, se preta fuego...total, que se foten un batán de la ostia. ¿Qui se'n salba?

Este l'ez pillau u cal fer-ne un dibuixo?