dilluns, de gener 30, 2006

Estendillán a pasa d'os blogs

Mañana pel maitino tiengo el primer desamen, ye d'anatomía y embriolochía. Ya fa rato que me pudriba leyén ixa llosa que son los mios apuntes d'anatomía, asinas que farto ya de tantos budillos de cocho, estomagos de baca y libianos de güella m'he metiu un ratet en internet, a mirar que contan per aqui, pero entre que los amigos prefieren estudear a charrar con yo y os foros están paraus poco m'he puesto desafogar.
No sabeba que fer, pero luego se m'ha enzendiu la llampa: -Si no sabes que fer, fe-te un blog d'ixes que están ara tan de moda.

Dito y feit, aqui el teniz pues. Cuan m'aburra ya l'ire enamplán, chino chano, que encara tiengo el sufrimiento de zinco desamens per debán y no i adubo.
En o blog i posaré una miqueta de tot, cosas que me pasen, que m'agraden, bella notizia intresán...en as luengas d'o país mio.

Tres, dos, uno, FUEGO!